Dy shtetas të Shqipërisë dhe një shtetas i Kosovës janë arrestuar dje gjatë një aksioni policor në Prizren për kultivimin të substancave narkotike.

Sipas policisë, gjatë kontrollit në dy banesa janë gjetur dhe sekuestruar sasi e narkotikëve të llojit marihuanë, 175 bimë të mbjellura kanabis sativa, pajisje përcjellëse të laboratorit për kultivim dhe 6 telefona mobil, përcjell Arbresh.info.

Bimët narkotike dhe pajisjet janë shkatërruar ndërsa të dyshuarit janë dërguar në mbajtje.

“Rr. Ukë Bytyqi, Prizren / 23.04.2025 – 12:00. Janë arrestuar një mashkull shtetas i R. Shqipërisë, një femër shtetase e R. Shqipërisë dhe një mashkull kosovar pasi që gjatë kontrollit të dy banesave, janë gjetur dhe sekuestruar sasi e narkotikëve të llojit marihuanë, 175 bimë të mbjellura Kanabis Sativa, pajisje përcjellëse të laboratorit për kultivim dhe 6 telefona mobil. Bimët narkotike si dhe pajisjet përcjellëse me urdhër të prokurorit janë shkatërruar. Me vendim të prokurorit pas intervistimit tre të dyshuarit janë dërguar në mbajtje”, thuhet në raportin 24 orësh të Policisë së Kosovës./Arbresh.info